Хүн ер нь цаг минут тутамд суралцан хөгжиж, сэтгэл санааны хувьд уруудан өгсөж, даваа нугачаатай, баяртай жаргалтай өдөр хоногуудыг өнгөрүүлж эдгээрээс авсан ухаарал сэхээрэл нь өнөөдрийн намайг үүсгэж байдаг. Тэгэхээр энэ дэвтэртээ тэдгээр өдрүүдээ буулгаж өнөөдрийн өөрийгөө үлдээх талбар байгаасай гэж бодож хийсэн дэвтэр юм. Мөн энэ дэвтрээ жил бүр өөр өнгөөр гаргах төлөвлөгөөтэй байгаа бөгөөд та хэдэн жилийн дараа он оноор нь дэвтрүүдээ номын шүүгээндээ эгнүүлж тавиад 2024 онд өөрийгөө юу бодож, юу төлөвлөж, юуг хийж бүтээж байсан ямар ME байснаа эргэн хараасай гэж бодож хийсэн билээ. 

Өнгөрсөн оны дэвтэр маань ургаж буй шинэхэн ургамлын бүдэг ногоон өнгөтэй байсан бол энэ жилийн өнгө маань монголынхоо тэнгэрийг бэлгэдсэн хөх өнгө байгаа. Хөх өнгө нь ихэвчлэн тайван, тогтвортой байдал, урам зориг, мэргэн ухааныг бэлгэддэг. Загварын хувьд Цацрал зураачийнхаа үүлийг монгол гэрийн хаалганы хээ гэж бодож зохиомжилж хийсэн. Хаалга бол гадна орчноос дотор орчныг тусгаарлаж байдаг гэрийн бүрдэл хэсэг билээ. Тэгэхээр гэртээ ороод хаалгаа хааж байгаад дэвтэр дээрээ хүссэнээ бичиж өөрийнхөөрөө байгаарай. 

Дэвтэр маань

- [ ] 100гр Ivory буюу нүд ядраахгүй шаргал цаас

- [ ] Тэмдэглэл бичих 50 тууш хуудас

- [ ] Хүснэгт, тэмдэглэл, бужо хөтлөх 50 цэгтэй хуудас

- [ ] 2 ширхэг хуудас тусгаарлагч тууз

- [ ] Нэрийн хуудас, бусад хэрэгтэй зүйлсээ хадгалах халаас

- [ ] Хэрэглээний явцад навсайчихвий гээд хуудас дарагч резинтэй байгаа.